بعد الكشف عن ارباح تويتر 2023 هل ايلون ماسك عبقري ام لا ؟

31 يوليو 2023آخر تحديث :
بعد الكشف عن ارباح تويتر 2023 هل ايلون ماسك عبقري ام لا ؟

ماسك أعلن عن ارباح تويتر, وامبارح صحينا من النوم لقينا خبر بيقول ان ايلون ماسك غير اسم تويتر الي x.com.

وقبلها لقيناه غير لوجو تويتر الي لوجو العملة المشفرة dodge coin.

وقبلها لقيناه اعلن عن فرض رسوم شهرية عشان تقدر توثق حسابك.

وقبلها لقيناه اعلن عن تقليص عدد المنشورات اللي ممكن تشوفها ولو عاوز تشوف اكتر ادفع.

والفلوس اللي هتيجي من ده هيتم مشاركتها مع المؤلفين والناشرين زي جوجل ويوتيوب كده.

ومع كل تصريح يعلن عنه ماسك بتلقيه يطلع تريند.

ايه الحكاية بقا ، هل هو قاعد بيلعب ؟ ولا كل ده خطة محكمة ؟ وهو عاوز يوصل لإيه بالظبط ؟ وايه اخبار ارباح تويتر قبل ما ماسك يمسكه وبعد ما ماسك تولي رئاسة تويتر وعمل كل التغيرات دي ؟

ده اللي هنحكيه بالتفصيل.

لا يفوتك : تسجيل دخول تويتر مباشر twitter login بأسهل طريقة في ثواني

تغيير اسم تويتر إلى X.Com وخطة ايلون ماسك للسيطرة علي سوق الانترنت

تغيير اسم تويتر إلى X.Com وخطة ايلون ماسك للسيطرة علي سوق الانترنت

امبارح صحينا من النوم لقينا خبر ان تويتر اتغير اسمه الي X.com  واللوجو اتغير وتقدر تدخل عليه بالإسم الجديد ده.

خطة ماسك بقا انه هيحول تويتر من مجرد موقع تواصل اجتماعي الي منصة متكاملة زي wechat, لو متعرفش ف wechat  ده منصة صينية متكاملة ، الصينيين بيقدوا يتشاتو من خلاله ويدفعو من خلاله ويشترو ويبعو من خلاله ويشاهدو فيديوهات ويسمعوا بودكاست ويأجرو سيارات يقدرو يعملو كل حاجة من خلاله.

المفاجأة بقا ان علي الرغم من القوة والهيمنة الاقتصادية لامريكا إلا إنه بالرغم من كده مفيش منصة متكاملة زي وي شات في أمريكا، ماسك بقا في لقاء ليه في سنة 2021 قالك أمريكا تحتاج الي تطبيق شامل وفائق مثل الصين وقد يكون تويتر هو خير بداية لهذا التطبيق.

عمنا ماسك بقا عاوز يحول تويتر الي منصة متكاملة زي وي شات وده من خلال مشروع x.com، والموضوع ده خطة من زمان في دماغة مش وليدة اللحظة زي ما ناس معتقدة، وقال قبل كده ان خطة تحويل تويتر الي تطبيق شامل هياخد من 3 الي 5 سنين.

اللي متعرفوش ان ماسك لما بدأ مشروعة القديم اللي اصبح اسمه باي بال حاليا كان اسمه x.com، وبعد كده باع x.com واسم الدومين ده اصبح ملك ل باي بال والفترة اللي فاتت قدم عرض للاستحواذ علي اسم الدومين ده ولكن لم يتم الكشف عن مبلغ الصفقة.

والغريب بقا ان هتلاقي الحرف X ماسك مهووس بيه، هتلاقي عنده شركة space x، هتلاقي موديل من عربيات تيسلا اسمه model x، وعشان يستحوذ علي تويتر أنشئ شركة قابضة اسمها X Crop.

اقرأ أيضاً : انشاء حساب تويتر بدون رقم هاتف

ارباح تويتر بعد رئاسة ماسك للشركة

ارباح تويتر بعد رئاسة ماسك للشركة

طيب ايه اخبار أرباح تويتر بعد ما مسكها ماسك ؟

ماسك قال ان عائدات الإعلانات لتويتر تراجعت بنسبة 50٪ ده غير الديون اللي علي الشركة، وبالمناسبة المصدر الرئيسي لأرباح تويتر هو الإعلانات والمصدر بتاعه ده حاليا مضروب بالنار، وده هو السبب الرئيسي ان ماسك سرح آلاف الموظفين وخفض تكاليف تشغيل كتيرة إلي 1.5 مليار دولار بعد ما كان متوقع انه يصرف 4.5 مليار دولار في 2023، والمفروض كمان تويتر او X.com  بقا انه يدفع فوائد سنوية 1.5 مليار دولار، وقلك ان تويتر حققت إيرادات 3 مليار دولار في 2023 بعد ما كانت 5.1 مليار دولار في 2021، يعني الإيرادات قلت جدا من بعد ما ماسك تولى الإدارة.

ويمكن هو ده السبب في ان ماسك اعلن عن فرض رسوم للتوثيق واللي بالمناسبة كله انتقده بسبب التصرف ده وبعد كده لقينا ميتا بتقلده وبتفرض رسوم عشان تقدر توثق الحساب، ولقيناه بعد كده اعلن انك لو عاوز تشوف منشورات كتير علي تويتر لازم تدفع، كل ده بيحاول يجيب مصدر اخر للارباح غير الإعلانات بعد ما اغلب المعلنين بعدوا عن تويتر.

طيب هو ايه أصلا اللي خلي المعلنين يبعدو عن تويتر ؟

ببساطة لان تويتر قبل ما يمكسه ماسك كان في قيود علي المنشورات يعني مش أي حد يقدر يكتب أي حاجة فكانوا المعلنين ضامنين ان المنصة محترمة ومش بيتنشر عليها أي حاجة تسبب بلبلة للمجتمع، لكن ماسك غير الكلام ده وخلي تويتر بدون قيود واي حد يقدر يكتب أي حاجة.

طيب هو ليه ماسك كل شوية يعمل حاجة ويغيرها يعني لقيناه مرة غير لوجو الموقع الي العملة المشفرة دودج كوين وبعد كده رجعه تاني، هو قاعد بيلعب مثلا ؟

هو مش بيلعب هو ببساطة كل اللي عمله الفترة اللي فاتت ده بيمهد الطريق للإعلان عن X.com واللي اكيد هتلاقي فيه بيع وشراء من خلال العملات الرقمية وخصوصا عملة دودج كوين.

وفكرة عمل منصة متكاملة ماسك مش اول واحد تيجي في دماغه تقريبا اغلب الشركات الكبيرة بتحاول تعمل ده فهتلاقي مثلا ميتا حاولت وبتحاول تعمل ده فهتلاقي مثلا دمجت marketplace في التطبيق عشان تدخل في التجارة الالكترونية ومارك اعلن في فترة من الفترات انه هيعمل عملة مشفرة، المستخدمين يقدروا يشتروا ويبيعو من خلالها وبسهولة جدا لكن الموضوع اترفض ومقدرش ينفذه وأصبحت مجرد فكرة، فمارك من زمان عاوز يوصل انه يعمل منصة متكاملة وهكذا امازون وسناب شات لكن كلهم لحد اللحظة مش قادرين ينفذوا ده.

اخيراً عاوز اسمع رأيكم هل ماسك غبي ولا ذكي جدا وهينجح  وهيتفوق علي كل منافسيه لدرجة انه فعلا هيستحوذ علي السوق كله وهيعمل حاجة بنفس مستوي وي شات ؟